كلمات اغنية طلع البدر علينا

كلمات اغنية طلع البدر علينا

-للفنان محمد عبدة

طلع البدر علينا من ثنيات الوداع

وجب الشكر علينا ما دعى لله داع

أيها المبعوث فينا جئت بالأمر المطاع
جئت شرفت المدينة مرحباً يا خير داع


طلع النور المبين نور خير المرسلين
-----------
نور أمن وسلام نور حق ويقين
ساقه الله تعالى رحمة للعالمين
فعلى البر شعاع وعلى البحر شعاع
مرسل بالحق جاء نطقه وحي السماء
-----------
قوله قول فصيح يتحدى البلغاء
فيه للجسم شفاء فيه للروح دواء
أيها الهادي سلاماً ما وعى القرآن واع
----------
جاءنا الهادي البشير مطرق العاني الأسير
مرشد الساعي إذا ما أخطأ الساعي المسير
دينه حق صُراح دينه ملك كبير
هو في الدنيا نعيم وهو في الأخرى متاع
----------
هات هدي الله هات يا نبي المعجزات
ليس للات مكان ليس للعزى ثبات
وحّد الله ووحد شملنا بعد الشتات
أنت ألفت قلوباً شفها طول الصراع
---------
طلع البدر علينا من ثنيات الوداع
وجب الشكر علينا ما دعى لله داع
أيها المبعوث فينا جئت بالأمر المطاع
جئت شرفت المدينة مرحباً يا خير داع

مسحراتى مصر البهية

مسحراتى مصر البهية

اصحى وسبح رب البرية

مشيت ارتل وانشد واجود

وصوتى يجرى بين النواصى

هنا بانقر.. هنا باعود

هنا باحود عن المعاصى

لو كنت بحرى

لازم اقبل

وان كنت قبلى.. لازم ابحر

ولحد آخر نفس ف صدرى

هاشد قلبى وتر واسحر

يا مصر قومى وشوفى نيلك

يا مصر قومى وضمى سينا

نهر المحبة بينتمى لك

يا مصر شوفى احنا فين رسينا

مصر البهية.. بالعقل هية

ف الذكر آية.. ف العشق غية

اصحى وسبح رب البرية..

مسحراتى شبرا وخلوصى

خالع سنانى وخالع ضروسى

ومدرس ابنى واخد فلوسى

كأنه مؤمن وأنا المجوسى

مدرس ابني.. بقى بيحاسبنى

على حلاوة درسه الخصوصى

والعلم ضايع.. بيقول لصايع

يا عم قطع.. رقم جلوسى

يا عم شوقى.. يا ابن الأصول

يا أمير زمانك ف الشعر.. قول

صحيح يا شوقى ان المعلم

ف زمانكو قرب يكون رسول؟!

طب ليه المعلم اللى ف زمانا

ما بقاش ينور أجمل شموسى

ومدرس ابنى واخد فلوسى

الأبجدية شدت شعورها

لما المعلم منع مرورها

وقال تروحى للى هايدفع

واللى هاتدفع تستنى دورها

الضلمة ركبت عقول ولادنا

والعلم أصبح خارج قاموسى

ومدرس ابنى واخد فلوسى

صحوا الإدارة.. التعليمية

واصحوا معاها يا أهل المالية

عيب.. المعلم يعيش عوالة

وعيب يناضل مع الماهية

لما المربى.. يتعب ياربى

أحلامى تركع قدام كابوسى

ومدرس ابنى واخد فلوسى

مسحراتى ف الذكر هايم

والنسمة حلوة ولاحد نايم

والكل صابح معانا صايم

ف الفجر يدعى ويقول يارب

رمضان يا أكرم م الشمس ذاتها

أرواحنا عندك تبدأ حياتها

والنفس راضية تلحق ما فاتها

تطلب هداية وتقول يارب

المصرى بنا وفلاح وجندى

وعندى جامع.. وكنيسة عندى

الرحمة من دا.. والحب من دى

ومن قلوبنا بنقول يارب

شيخ العرب همّام

عبد الرحمن الابنودى

شيخ العرب همّام

=====
أغنية البداية
واجِفْ في وِشّ الرياح.. ما وجَفْش تَجْديفك
لا الروح تعبت ولا.. كلّت مجاديفك
الليل إذا سَدّ بابك.. تحدفه برجليك
حالف تخلّي الزمن.. يمشي علي كيفك
هوّه الزمن عُمرُه
مع حدّ.. إدّي وخد.؟
ولاّ الزمن عمره
مشي علي كيف حد.؟
لا الشمس رجْعِتْ مرّة في كلامها
ولا في يوم.. هرْبِتْ من أيامها
لما العدا تنظرك..
تِفارجْها أحلامها.
ياللي المناهدة بَجِتْ طبعك شِتاك صيفك
واجِفْ في وش الرياح ما وجَفْش تجديفك
لا الروح تِعْبِتْ ولا.. كلِّت مجاديفك!!.
***
ندَّاهة ندهِت.. لجيت نفسك نسيت أهلك.
ومشيت ورا حلم.. تستاهله... ويستاهلك.
لو النيران انطفِت.. تصرُخ بها.. يوَلَّعْ
وتخش في لهيبها.. لا تِنْضَرّ.. ولا تهلك
زعبوبة جات في الزمن
جلبت سنينك جلْب
يا جَلْب من غير بدن
ويا بدن بلا جَلْب..
إنت اللي لا تهزّيت في يوم.. ولا خَوِّفَكْ خوفك
واجف في وش الرياح.. ما وجفْش تجديفك
لا الروح تعِبتْ ولا.... كلِّت مجاديفك!!.
أغنية الختام
زمن وحافر في الجَلْب اسمُه
والعزم.. ناره ما بتنطفيش.!!
والحُزن.. راجِعْ.. عارف مواسمه..
عُمره ما يرجع علي ما فيش.
ياخد بتارُه
ويطفي نارُه
ولما يشبع.. ما بيرتويش
وانت واجِفْ له علي الروابي
ساعات تزعق.. وساعات تحابي
هيه البطولة تعيِّش اسمك
والا البطولة إنك تعيش؟
ياعمّ.. شوف لك دوا مِخالِف
دوا الزمان ده.. مابيداويش

وانت. غريم الزمن.. حالف ما تتصالح
الضحكة عايمة تملّلي في دمعك المالح
عمرك.. وبتعيشُه مُدّه مودّعه مدّة
أحلا ما في الريح.. بتديك فُرصة تِتْحدَّي
ويوماتي تُفطُرّ مع موتك وتتغدّي
والأصل في الشدّة.. تطلع منها فالح

مصر المحروسة

سحابة وندهت للشمس قومى طلى على الوادى

شوفى مصر الفراعنة فى وادى والعالم فى وادى

المصرى فى الوادى الاخضر كان سابق زمانة

بيتمشى فى مزارع قمحة وجناين رمانة