الحمد للة مستورة وماشية بس مقطورة
والاعمى شايف الصورة الكل بيدفع فى فاتورة
للى نهب والى ارتشى والى بالاسرارفشى
وسابنى ابات من غير عشا وقال لى مات الى اختشى
صبحت فاصل من الفيشة وشاطر العن العيشة
والى على راسهم ريشة خلعو البرقع والبيشة
بفساد يكسر الهمة وخيل بيجرى فى الذمة
ومجلس لابس العمة
التطوير بقى وش جير
والتنمية رصف وتشجير
والطب حنا وزيت جرجير
بيع لدواعى الصفر
باعو الشيطان للى كفر
دول ماعروفين بالنفر
بس معاهم شيخ غف
ر وطالبين تعين سجانين
وترزى وطباخ وعجانين
ورؤساء تحرير للجرانيل
يضحوبالام لجل الجنين
ولما انتى شاطرة والاولى
طب لية ايدكى مغلولة
وفاضية وعنى مشغولة
صبحتى امنا الغولة
بقت الناس الكسيبة الرقصات واللعيبة
ورجال الاعمال حبيبة
شياطين بسبحة وزبيبة
ادونى حزن من غير كرب
حبة شتيمة شبعت ضرب
لو نص كفتة وربع طرب
انا اروح فداكو بس فى حرب
على الاقل اموت شهيد
زهقت من سوق العبيد
من غير لاخبط ولاتهديد
ماترشونا باى مبيد
هى السياسة اعلانات
كلمونا بلاش رنات
مش عاوزين تكسبو حسنات
ماعندكوش اخوات بنات
سرقتو منى المحفظة
وجيوبى فاضية منفطة
لو زعلانين من الفضا
يبقو انتو خلق من الفضا
ليست هناك تعليقات:
إرسال تعليق